من أنا

لا أملك الكثير من الكلمات لأكتبها لكم عني أنا مجرد فتاة عادية أحبت الكتابة, رغم تواضع كلماتي ولكني أجد فيها متنفساً لي

:
:

بس كفاية فصحى

 

إسمي المستعار اللي اكتب بيه غالباً هو عـذبـه آلـروح او K.Ala!Daroo$

 

 أحب الكتابة والقراءة والتصميم  بالفوتو وتصميم الديكور

احب الألوان كللللها خصوصاُ ادا اجتمعت ولكن للأبيض مكانه خااااصة عندي ^.^

اممم من الحيوانات احب الخييييييل العربي وكمان البسس

وفي الأكل احب التبولة  مررره 

 

بشكل عام انسانة ملووولة امل بسسسرعه من كل شي عشان كدا احب التغيير والتجديد

 

اممم اش كمان !

 

يقولو عليا كيس نوم , ودايماً عندي صداع & بردانة  خخخخخخ مدري

 

 

في علاقاتي الاجتماعية

احب تكون ليا صحبة وحدة او اتنين بس هم اللي مررره معاهم  واحكيلهم عن كل شي بس مو كل شي كل شي خخخ اما صحباتي الباقيات كلامي معاهم يكون عااام تقريبا

 

 

مااحب الكلام الكتير خصوصا في التليفون مدري ليه احس مافي كلام يجي اصلا  والشي دا مسبب لي مشاكل مع صحباتي وكتير يحسبوه اهمال مني لهم او تكبر مع انو مو كدا  ترى , واقعد اقلهم اللي في القلب في القلب خخخخخ يعني بشكل باختصار فااااشلة في التواصل التليفوني ههههه

 

 

يقولوا اني مستمعة كويسة والله اعلم بس فعلا كتير يحبو يشتكولي وياكتر الحكاوي والبلاوي اللي سمعتها وافعد احاول اساعدهم وادورلهم من هنا ولا من هنا , المشكلة اني بعد اللي اسمعو ينقلب يومي كلو نكد وهم ويمكن بكا كمان خخخخ وفي مشاكلي انا , دايم بدال ما أحلها أعدمها واجيب العيد 

اممم

بالنسبة لكتاباتي في البداية كنت اول ماأكتب شي أنزله في منتدى سبايديز ومن بعده في سبيسي ومن بعده في دي المدونة  وكانت هذي أكبر غلطة غلطتها

لأن المنتدى قفل وطبعاً  في ناس نقلو شي من كتاباتي لمنتديات تانية ونسبوها لهم فصار اثبات اني صاحبة دي الكتابات صعب

عشان كدا انتبهوووا تغلطوا غلطتي ودايما خلو مدونتكم هي الأولى

يللا خلاص بس, تعبت وحكمل يوم تاني ويمكن امسحو كلو واكتب شي جديد 

 

 

 

شكرا وكل حاجه